Janay Ab Woh Kesi Hogi

Arsa beeta hai bin daikhay,
Janay ab woh kesi hogi,
Us kay hathoon ki musjharahat main,
Ik Jhalak shayad meri bhi hogi

Pagal woh kar daiti ho gi,
Ab bhi jab woh hansti hogi,
Mujhko to Namanzur kiya,
Khud bhi shayad roti ho gi

Jis din us'say miLna hoga
Shaam bhi us kay jesi hogi
Dulhan ban kay woh is dil main
Socho kesi Lagti hogi,

Jin hathon ko mainay chooma tha
Unko ab tak takti hogi,
Sun kar mera nam woh shayad
Ik Lamhay ko sochti hogi
Janay ab woh kesi hogi